𝐅𝐢𝐚𝐫𝐚𝐡𝐚-𝐦𝐢𝐞𝐧𝐭𝐚𝐧’𝐧𝐲 𝐫𝐞𝐡𝐞𝐭𝐫𝐚 𝐚𝐦𝐢𝐧’𝐧𝐲 𝐟𝐚𝐦𝐛𝐨𝐥𝐞𝐧-𝐤𝐚𝐳𝐨 𝐚𝐨 𝐀𝐦𝐛𝐚𝐫𝐚𝐫𝐚𝐭𝐚𝐤𝐞𝐥𝐲

 » Izay mamboly hazo manome aina « 

Tao Ambararatakely – Kaominina Maintirano no nanombohana ny taom-pambolen-kazo 2025-2026 tao amin’ny faritra Melaky, izay nokarakarain’ny #DREDDMelaky. Velaran-tany mirefy 9Ha no voavoly hazo tamin’izany, nahitana mahabibo, gimelina, kininina ary akasia.

Nifanome tanana tamin’ny fambolen-kazo ny sampan-draharaham-panjakana, ny mpianatra, fikambanana , mpiara-miombon’antoka, orinasa ary ireo mponina eny an-toerana.

Velaran-tany maro no efa rakotra hazo eo amin’ity toeram-pambolen-kazo ao Ambararatakely ity, vokatry ny fiaraha-mientan’ny tsirairay nanara-maso sy niaro ireo hazo novolena teo.