𝐅𝐚𝐧𝐚𝐦𝐚𝐟𝐢𝐬𝐚𝐧𝐚 𝐧𝐲 𝐟𝐚𝐧𝐚𝐫𝐚𝐡𝐚-𝐦𝐚𝐬𝐨 𝐧𝐲 𝐟𝐚𝐫𝐢𝐭𝐫𝐚 𝐚𝐫𝐨𝐯𝐚𝐧𝐚 𝐡𝐢𝐚𝐝𝐢𝐚𝐧𝐚 𝐚𝐦𝐢𝐧’𝐧𝐲 𝐟𝐢𝐭𝐫𝐚𝐧𝐝𝐫𝐚𝐡𝐚𝐧𝐚 𝐚𝐧-𝐭𝐬𝐨𝐤𝐨𝐬𝐨𝐤𝐨

Tontosa omaly 30 desambra 2025 ny famindran’andraikitra teo amin’dRamatoa 𝗥𝗔𝗛𝗔𝗜𝗡𝗚𝗢𝗡𝗗𝗥𝗔𝗛𝗘𝗧𝗬 𝗩𝗼𝗹𝗮𝗻𝗮 𝗡𝗮𝘀𝗼𝗹𝗼, voatendry ho Talem-Paritry ny Tontolo iainana sy ny Fandrosoana Lovainjafy 𝗗𝗥𝗘𝗗𝗗 𝗜𝘁𝗮𝘀𝘆, sy Ramatoa 𝗥𝗔𝗞𝗢𝗧𝗢𝗔𝗥𝗜𝗠𝗔𝗡𝗔𝗡𝗔 𝗝𝗼𝘀𝗲𝘁𝘁𝗲 𝗘𝘃𝗲𝗹𝘆𝗻 𝗠𝗮𝗿𝗰𝗲𝗹𝗹𝗲 izay voatendry ho 𝗗𝗥𝗘𝗗𝗗 𝗕𝗼𝗻𝗴𝗼𝗹𝗮𝘃𝗮, nandritra ny Filan-kevitry ny Minisitra ny 22 desambra 2025.

Nanotrona ity lanonana ity Andriamatoa Minisitra 𝗠𝗔𝗡𝗘𝗦𝗜𝗠𝗔𝗡𝗔 𝗥𝗮𝗳𝗮𝗻𝗼𝗺𝗲𝘇𝗮𝗻𝘁𝘀𝗼𝗮 𝗠𝗶𝗰𝗵𝗮𝗲̈𝗹 ary nitsodrano azy ireo hahatontosa an-tsakany sy an-davany ny andraikitra vaovao izay iantsorohany avy.

Nihaona tamin’ny mpiara-miasa eo anivon’ny DREDD Itasy ihany koa Andriamatoa Minisitra ary nanolotra fitaovana hanampiana ny DREDD Itasy sy ny DREDD Bongolava amin’ny fanatanterahan’izy ireo ny asany.