❌️🔥𝗙𝗮𝗻𝗮𝗺𝗮𝗳𝗶𝘀𝗮𝗻𝗮 𝗻𝘆 𝗳𝗮𝗻𝗲𝗻𝘁𝗮𝗻𝗮𝗻𝗮 𝗮𝗺𝗶𝗻’𝗻𝘆 𝗮𝗱𝘆 𝗮𝗺𝗶𝗻’𝗻𝘆 𝗱𝗼𝗿𝗼 𝘁𝗮𝗻𝗲𝘁𝘆 𝘀𝘆 𝗻𝘆 𝗱𝗼𝗿𝗼 𝗮𝗹𝗮

Fokonolona miisa 4 400 tao amin’ny fokontany 10 ao amin’ny kaominina Soavina, ary mponina miisa 1 600 avy amin’ny fokontany 8 ao amin’ny kaominina Ambondromisotra no nandray anjara tamin’ny fanentanana amin’ny ady amin’ny doro tanety izay notanterahin’ny Fitaleavam-paritry ny Tontolo iainana sy ny Fandrosoana Lovainjafy #DREDDAmoroniMania tao amin’ny distrikan’ Ambatofinandrahana.

Ao anatin’ny vanim-potoana maintany tanteraka isika izao, fotoana mampirongatra ny afo. Nifanome tanana arak’izany ny tompon’andraikitra isan-tokony #DREDD, #DRAE, Mpitandro ny filaminana, ny fandaharanasa PLAE4, ny kaominina, ary ireo chef Fokontany nitondra fanentanana eny ifotony hisorohana ny doro tanety syn y doro ala.

Fampahatsiahivana ireo vokadratsy ateraky ny afo, ny lalàna mifandraika amin’izany, ary ny andraikitry ny tsirairay raha sanatria ka misy trangan’afo no nampitaina nandritra ity fotoana ity.