❌️🐢𝗦𝗼𝗸𝗮𝘁𝗿𝗮 𝗥𝗮𝗱𝗶𝗮𝘁𝗮 𝗺𝗶𝗶𝘀𝗮 𝟱𝟲 𝘁𝗿𝗮-𝘁𝗲𝗵𝗮𝗸𝗮 𝘁𝗮𝗼 𝗮𝗺𝗶𝗻’𝗻𝘆 𝘀𝗲𝗿𝗮𝗻𝗮𝗺-𝗽𝗶𝗮𝗿𝗮𝗺𝗮𝗻𝗶𝗱𝗶𝗻𝗮 𝗙𝗮𝘀𝗰𝗲̀𝗻𝗲 𝗡𝗼𝘀𝘆 𝗕𝗲

𝘚𝘦𝘳𝘢𝘯𝘢𝘮-𝘱𝘪𝘢𝘳𝘢𝘮𝘢𝘯𝘪𝘥𝘪𝘯𝘢 𝘍𝘢𝘴𝘤𝘦̀𝘯𝘦 – 𝘕𝘰𝘴𝘺 𝘉𝘦, 15 𝘯𝘰𝘷𝘢𝘮𝘣𝘳𝘢 2025

Sokatra Radiata miisa 56 saika haondrana an-tsokosoko any ivelany no tra-tehaka tao amin’ny seranam-piaramanidina iraisam-pirenena Fascène ao Nosy Be ny 15 novambra 2025. Sidina Ethiopian Airlines mankany Addis-Abeba, hihazo an’i Vietnam no saika hitondra ireto sokatra ireto.

Ny fitarafana ny entana tamin’ny scanner no nahitana fa sokatra no tao anatin’ilay entana. Teratany malagasy miisa 2 no tompon’ireo entana ireo ary mbola karohina izy ireo ankehitriny satria efa tsy tao amin’ny seranam-piaramanidina intsony tamin’ny fotoana nahatrarana ireto sokatra ireto.

Efa noraisin’ny sampandraharahan’ny Minisiteran’ny Tontolo Iainana sy ny Fandrosoana Lovainjafy #MEDD tanana ireto sokatra ireto.