♻️𝗡𝗶𝘀𝗶𝘁𝗿𝗮𝗸𝗮 𝗳𝗮𝗺𝗽𝗶𝗼𝗳𝗮𝗻𝗮𝗻𝗮 𝗮𝗺𝗶𝗻’𝗻𝘆 𝗳𝗮𝗺𝗼𝗸𝗮𝗿𝗮𝗻𝗮 𝘇𝗲𝘇𝗶𝗸𝗮 𝗯𝗶𝗼𝗹𝗼𝗷𝗶𝗸𝗮 𝗶𝗿𝗲𝗼 𝗺𝗽𝗮𝗻𝗮𝗯𝗲 𝗮𝗼 𝗮𝗺𝗶𝗻’𝗻𝘆 𝗘𝗣𝗣 𝗔𝗻𝘁𝗲𝗵𝗶𝗿𝗼𝗸𝗮

𝘈𝘮𝘣𝘰𝘩𝘪𝘣𝘢𝘰 Antehiroka, 14 𝘕𝘰𝘷𝘢𝘮𝘣𝘳𝘢 2025

Ao anatin’ny fanatanterahana ny tetikasa Label Vert sy Sekoly maitso dia nisitraka fampiofanana avy amin’ny teknisianin’ny Tontolo iainana, eo anivon’ny Fitaleavana miandraikitra ny ady amin’ny fandotoana #DPDIDE, mahakasika ny famokarana zezika biolojika ireo mpanabe ao amin’ny EPP Antehiroka. Hetsika izay tanterahin’ny Minisiteran’ny Tontolo Iainana sy ny Fandrosoana Lovainjafy #MEDD, amin’ny fanomezan-danja ny fandaharanasa nasionaly momba ny fitantanana maharitra ny fako.

Tanjona ny fanamafisana ny kolontsaina mikajy ny tontolo iainana amin’ireo mpanabe sy ny ankizy mpianatra ary ny fampiroboroboana ny seha-pihariana maitso eny anivon’ny sekoly.

Ny fifehezana ny famokarana zezika eny anivon’ny sekoly dia hanampy betsaka azy ireo amin’ny fanamaintsoana ny toeram-pianarana amin’ny alalan’ny fanaovana fambolen-kazo sy fametrahana zaridaina izay hanatsara kokoa ny tontolo iainana misy azy ireo sy hampavitrika ny mpianatra.