☁️🌤 𝟭𝟲 𝘀𝗲𝗽𝘁𝗮𝗺𝗯𝗿𝗮 : 𝗔𝗻𝗱𝗿𝗼 𝗺𝗮𝗻𝗲𝗿𝗮𝗻-𝘁𝗮𝗻𝘆 𝗵𝗼 𝗳𝗶𝗮𝗿𝗼𝘃𝗮𝗻𝗮 𝗻𝘆 𝘀𝗼𝘀𝗼𝗻𝗮 𝗼̂𝘇𝗼̂𝗻𝗮 🏡

“𝘔𝘪𝘢𝘪𝘯𝘨𝘢 𝘢𝘮𝘪𝘯’𝘯𝘺 𝘴𝘪𝘢𝘯𝘴𝘢 𝘢𝘳𝘺 𝘮𝘪𝘱𝘢𝘬𝘢 𝘢𝘮𝘪𝘯’𝘯𝘺 𝘢𝘴𝘢 𝘮𝘢𝘯𝘦𝘳𝘢𝘯-𝘵𝘢𝘯𝘺”

Feno 40 taona amin’ity taona 2025 ity ny fiaraha-mientan’izao tontolo izao nanaovana ezaka iarovana sy namerenana amin’ny laoniny ny sosona ôzôna.

Miara-mientana ao anatin’izany hetsika izany i Madagasikara. Tao Mahajanga no notanterahina ny hetsika nanamarihana ny andro maneran-tany ho fiarovana ny sosona ôzôna izay nanaovana fanentanana ny mpisehatra isan-karazany :

Fanofanana ny Polisin’ny Tontolo iainana (#OPJE), ny Fadintseranana, niarahana tamin’ny Fitaleavana Iraisam-paritry ny Tontolo iainana sy ny Fandrosoana Lovainjafy (#DIREDDBoenyBetsiboka) mahakasika ny fitsirihana ireo fitaovana mampiasa ny singa sy entona manimba ny sosona ôzôna.

Fanentanana ny sarambabem-bahoaka ny tsy tokony hampiasana intsony ireo fitaovana toa ny vata fampangatsiahana, ny climatiseur izay mbola mampiasa ny entona mpanimba ny sosona ôzôna.