2
Fev
2023
Ho fanomanana ny fiatrehana ny fihaonambe mahakasika ny fiovan’ny toetrandro COP28 dia nanatanteraka fivoriana ministerialy tany Dakar – Sénégal ireo Minisitry ny Tontolo iainana avy amin’ny firenena 46 an-dalam-pandrosoana ny 28 sy 29 septambra 2023. Misolotena an’i Madagasikara amin’izany Ramatoa Minisitra VINA Marie Orléa.
Tanjon’ity fivoriana ity ny fametrahana paikady iraisana entina miatrika ny COP28 any Dubaï, ny fanaovana tombana ny ezaka vitan’ny firenena tsirairay amin’ny adisisika iraisam-pirenena hiatrehana ny fiovan’ny toetrandro sy ny tokony hananana fitaovana ahafahana manaramaso ny tapaka tamin’ireo adisisika ireo.
Tapaka nandritra ny fivoriana ihany koa fa ho apetraka ny rafitra « Secrétariat permanent des PMA » mahakasika ny fiovan’ny toetrandro.
Voaresaka nandritra ity fihaonana ity ireto lohahevitra ireto: (i) fiatrehana ny fiovan’ny toetrandro sy ny tanjona ankapobeny, (ii) fahavoazana sy ny fanonerana, (iii) fandaharan’asa mahakasika ny fanalefahana ny fiovan’ny toetrandro, (iv) famatsiam-bola mahakasika ny fiovan’ny toetrandro.
![Twwet](https://twitter.com/intent/tweet?url=https://www.environnement.mg/?p=7605&source=tweetbutton&text=<div class="x11i5rnm xat24cr x1mh8g0r x1vvkbs xtlvy1s x126k92a"> <p dir="auto" style="text-align: justify"></p> <p dir="auto" style="text-align: justify"></p> <p dir="auto" style="text-align: justify"></p> <p dir="auto" style="text-align: justify"><span class="x3nfvp2 x1j61x8r x1fcty0u xdj266r xhhsvwb xat24cr xgzva0m xxymvpz xlup9mm x1kky2od"><img src="https://static.xx.fbcdn.net/images/emoji.php/v9/t69/1/16/1f331.png" alt="🌱" width="16" height="16" /></span>Ho fanomanana ny fiatrehana ny fihaonambe mahakasika ny fiovan’ny toetrandro COP28 dia nanatanteraka fivoriana ministerialy tany Dakar –…&via=medd){kind=link}