2
Fev
2023
Voasokajy ao anatin’ny *Vakoka iraisam-pirenen’ny UNESCO ny Ala maiky any Andrefan’i Madagasikara* , araka ny fanambarana navoakan’ny UNESCO androany 16 septambra 2023.
Voninahitra lehibe ho an’i Madagasikara izao satria dia mametraka ireo Faritra arovana ireo sy ny harena voajanahary ao aminy hanana ny lanjany ambony dia ambony manerana izao tontolo izao.
Ny taona 2020 no naroso teo anivon’ny UNESCO ny antontan’taratasy nanolorana ho isan’ny vakoka iraisam-pirenena ny Ala maiky any Andrefana ka izao nahazo fankatoavana izao 3 taona aty aoriana.
Fanitarana ny Valan-javaboahary Tsingin’i Bemaraha, izay efa voasokajy ho vakoka iraisam-pirenena, ny Ala maiky any Andrefana. Valan-javaboahary miisa 3 no voakasika ao anatin’ny Ala maikin’Andrefana ity dia Ankarafantsika, Mikea ary Tsimanampesotse ary Tahirin-javaboahary manokana miisa 2 dia Analamerana sy Ankarana. Mirefy 734 298ha ny fitambaran’ny velaran’izy ireo.
Miarahaba manokana ireo mponina eny ifotony manamorona ireo Faritra arovana ireo sy ny Malagasy rehetra amin’izao nametrahana ho vakoka iraisam-pirenena ny Ala maiky any Andrefana izao.
Hiara-hientana isika rehetra hiaro ireo harena voajanaharintsika ireo izay manana ny lanjany maneran-tany.
![Twwet](https://twitter.com/intent/tweet?url=https://www.environnement.mg/?p=7530&source=tweetbutton&text=<div class="x11i5rnm xat24cr x1mh8g0r x1vvkbs xtlvy1s x126k92a"> <p dir="auto" style="text-align: justify;"><span class="x3nfvp2 x1j61x8r x1fcty0u xdj266r xhhsvwb xat24cr xgzva0m xxymvpz xlup9mm x1kky2od"><img src="https://static.xx.fbcdn.net/images/emoji.php/v9/tba/1/16/1f4e3.png" alt="📣" width="16" height="16" /></span><span class="x3nfvp2 x1j61x8r x1fcty0u xdj266r xhhsvwb xat24cr xgzva0m xxymvpz xlup9mm x1kky2od"><img src="https://static.xx.fbcdn.net/images/emoji.php/v9/t2/1/16/1f60d.png" alt="😍" width="16" height="16" /> </span>Voasokajy ao anatin’ny *Vakoka iraisam-pirenen’ny UNESCO ny Ala maiky any Andrefan’i Madagasikara* , araka…&via=medd){kind=link}