2
Fev
2023
10 taona aty aoriana dia nankatoavin’ireo firenena folo mpikambana ao amin’ny fifanarahan’i Nairobi ny Protocole GIZC na « Gestion Intégrée des Zones Côtières ». Nandritra ny fivoriambe notanterahina teto Madagasikara ny 11-12 septambra 2023 no nandanian’izy ireo ity fifanarahana ity.
Nitana anjara toerana lehibe tamin’ny fankatoazava ity fifanarahana ity i Madagasikara izay Filoha mitarika ny Birao maharitra ny Fifanarahan’i Nairobi ankehitriny.
Ny taona 2012 no nanomboka namolavolanan’ireo firenena mpikambana ao amin’ny fifanarahan’i Nairobi ny fifanarahana tovana GIZC izay natao indrindra handrindrana ny fiarovana, fitantanana ary ny fampiasana ny tontolo an-dranomasina.
Tombony maro no sitrahin’ireo firenena izay mikambana ao anatin’ny Fifanarahan’i Nairobi amin’izao fankatoavana ity Protocole GIZC ity izao. Voakasik’ity fifanarahana ity avokoa ireo sehatra rehetra ao anatin’ny tontolo iainana an-dranomasina, ny fiatrehana ny fiovan’ny toetrandro, indrindra ny fitsinjovana ireo mponina ifotony misehatra amin’ny jono an-dranomasina.
