Vita sonia ary natomboka amin’ny fomba ofisialy androany 02 may 2023 ny fifanaraham-piaraha-miasa eo amin’ny Ministeran’ny Tontolo iainana sy ny Fandrosoana Lovaijafy #MEDD sy ny #BNIMadagascar mitondra ny anarana “#BNI LOVAINJAFY” izay teo ambany fitarihan-dRamatoa VINA Marie-Orléa, Minisitry ny Tontolo iainana sy nY Fandrosoana Lovainjafy.
Ny BNI LOVAINJAFY dia Fandaharanasa entina manohanana ara-bola sy ara-teknika ireo mpiantsehatra ara-toekarena manana tetikasa mametraka ny modelim-pitantanana manome lanja lehibe ny lafiny ara-tsosialy sy ara-tontolo iainana ary mamaly ny #Velirano10 sy ny Politikam-panjakana ho fanatrarana ny tanjon’ny Fandrosoana Lovainjafy #ODD. Ny orinasa rehetra tsy ankanavaka ka efa niorina fara-fahakeliny tao anatin’ny 2 taona ary manome lanja ny fiarovana sy fanarenana ny tontolo iainana no voakasik’ity Fandaharanasa BNI LOVAINJAFY ity ka amin’ny alalan’ny fifaninanana fanolorana tetikasa no hisafidianana azy ireo.
Orinasa 4 mahafeno ny fepetra no ho safidiana. Famatsiam-bola tsy averina mitentina 15 tapitrisa ariary no hatolotra azy ireo, miampy fampindramam-bola tsy misy zanabola (taux 0%) hatramin’ny 200 tapitrisa ariary avy amin’ny BNI Madagascar. Hanome tantsoroka ara-teknika ireo orinasa ihany koa ny MEDD ary hifanampy amin’ireo orinasa voasafidy ireo amin’ny fanatratrarana ny tanjona izay kendrena eny ifotony mba hisian’ny fiantraikany ara-tsosialy sy tontolo iainana.
Modelim-piaraha-miasa eo amin’ny Fanjakana sy ny sehatra tsy miankina izao. Tanjon’ny MEDD, ny BNI MADAGASCAR ary ireo mpiara-miombon’antoka ahitana ny PNUD, WWF, CIEL Finance ary AXIAN amin’ny BNI LOVAINJAFY ny fampiroboroboana ny seha-pihariana maitso hiarovana ny tontolo iainana sy hitantanana maharitra ny harena voajanahary amin’ny alalan’ny fametrahana famatsiam-bola maitso.Ny 31 jolay no fe-potoana farany fametrahana ny tolotra tetikasa hifaninana, ary ho zaraina amintsika eto amin’ny pejy ny rohy misy ireo fepetra handraisana anjara amin’ny izany fifaninanana BNI LOVAINJAFY izany.
![Twwet](https://twitter.com/intent/tweet?url=https://www.environnement.mg/?p=7062&source=tweetbutton&text=<div class="x11i5rnm xat24cr x1mh8g0r x1vvkbs xtlvy1s x126k92a"> <p dir="auto" style="text-align: justify;"></p> <p dir="auto" style="text-align: justify;"></p> <p dir="auto" style="text-align: justify;"><span class="x3nfvp2 x1j61x8r x1fcty0u xdj266r xhhsvwb xat24cr xgzva0m xxymvpz xlup9mm x1kky2od"><img src="https://static.xx.fbcdn.net/images/emoji.php/v9/t9e/1/16/27a1.png" alt="➡️" width="16" height="16" /></span>Vita sonia ary natomboka amin’ny fomba ofisialy androany 02 may 2023 ny fifanaraham-piaraha-miasa eo amin’ny Ministeran’ny Tontolo iainana sy ny Fandrosoana Lovaijafy…&via=medd){kind=link}