🚒🔥𝗔𝗱𝘆 𝗮𝗺𝗶𝗻’𝗻𝘆 𝗮𝗳𝗼 : 𝗦𝗮𝗽𝗲𝘂𝗿𝘀 𝗽𝗼𝗺𝗽𝗶𝗲𝗿𝘀 𝗺𝗶𝗶𝘀𝗮 𝟲 𝗵𝗶𝘁𝗼𝗯𝘆 𝗺𝗮𝗻𝗱𝗿𝗶𝘁𝗿𝗮 𝗻𝘆 𝟯 𝘃𝗼𝗹𝗮𝗻𝗮 𝗲𝗻𝘆 𝗮𝗺𝗶𝗻’𝗻𝘆 𝗦𝘁𝗮𝘁𝗶𝗼𝗻 𝗙𝗼𝗿𝗲𝘀𝘁𝗶𝗲̀𝗿𝗲 𝗠𝗮𝗿𝗼𝗵𝗼𝗴𝗼🌳

𝘔𝘢𝘳𝘰𝘩𝘰𝘨𝘰 – 𝘔𝘢𝘩𝘢𝘫𝘢𝘯𝘨𝘢, 16 𝘢𝘰𝘨𝘰𝘴𝘪𝘵𝘳𝘢 2025 – Ho fanamafisana ny fiarovana Station Forestière Marohogo, ao amin’ny Distrikan’i Mahajanga II, amin’ny afo dia hisy sapeurs pompiers miisa 06 hitoby eny Marohogo manomboka anio 16 aogositra 2025 ary hijanona eny mandritra ny 3 volana.

Isan-taona dia lasibatry ny afo hatrany ity toerana ity. Ny fisian’ireto sapeurs pompiers ireto eny Marohogo dia hanamafy ny fisorohana ny afo, fa indrindra ny hampalaky ny famonona ny afo raha sanatria misy tranga doro tanety, ho fiarovana ireo fambolen-kazo midadasika eny an-toerana.

Andraikitra iombonana ny ady amin’ny afo. Fiaraha-miasa eo amin’ny Faritra Boeny, ny DIREDD Boeny-Betsiboka (Fitaleavana Iraisam-paritry ny Tontolo iainana sy Fandrosoana Lovainjafy Boeny-Betsiboka) ary ireo Conventionnaires ao Marohogo no nahafahana nametraka ireto Sapeurs pompiers ireto eny Marohogo sy ny fiantsorohana ny fandanina mifandraika amin’izany.

Nitondrana fanentanana ihany koa ireo mponina manodidina an’i Marohogo hanamafy ny fitandremana sy ny fiaraha-mientana aminy fiarovana ireo fambolen_kazo ireo, indrindra ny fifanomezan-tanana raha sanatria ka misy trangan’afo miseho.