🌿𝗗𝗶𝗻𝗶𝗸𝗮 𝗻𝗮𝘀𝗶𝗼𝗻𝗮𝗹𝘆 𝗠𝗘𝗗𝗗 – 𝗢𝗦𝗖

𝘈𝘮𝘣𝘢𝘵𝘰𝘣𝘦 31 𝘫𝘰𝘭𝘢𝘺 2025 – Mitana anjara toerana lehibe amin’ny fampahombiazana ny asa fikajiana ny tontolo iainana ny fandraisan’andraikitry ny sehatra isan-tsokajiny, anisan’izany ny firaisamonim-pirenena (#OSC) misandrahaka manerana ny Nosy.

Nisy arak’izany ny 𝗱𝗶𝗻𝗶𝗸𝗮 𝗻𝗮𝘀𝗶𝗼𝗻𝗮𝗹𝘆 niarahan’ny 𝗠𝗶𝗻𝗶𝘀𝗶𝘁𝗲𝗿𝗮𝗻’𝗻𝘆 𝗧𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮 𝘀𝘆 𝗻𝘆 𝗙𝗮𝗻𝗱𝗿𝗼𝘀𝗼𝗮𝗻𝗮 𝗟𝗼𝘃𝗮𝗶𝗻𝗮𝗳𝘆 (#𝗠𝗘𝗗𝗗) sy 𝗙𝗶𝗿𝗮𝗶𝘀𝗮𝗺𝗼𝗻𝗶𝗺-𝗽𝗶𝗿𝗲𝗻𝗲𝗻𝗮 (#𝗢𝗦𝗖) 𝗺𝗮𝗵𝗲𝗿𝗶𝗻’𝗻𝘆 𝟴𝟬, notanterahina teny Soanala – Ambatobe, nifampizarana sy niadiana hevitra momba ny 𝗳𝗮𝗻𝗮𝘁𝘀𝗮𝗿𝗮𝗻𝗮 𝗻𝘆 𝗳𝗶𝗳𝗮𝗻𝗱𝗿𝗮𝗶𝘀𝗮𝗻𝗮 𝘀𝘆 𝗻𝘆 𝗳𝗶𝗮𝗿𝗮𝗵𝗮-𝗺𝗶𝗮𝘀𝗮 eo amin’ny roatonta amin’ny sehatry ny 𝗳𝗶𝗮𝗿𝗼𝘃𝗮𝗻𝗮 𝗻𝘆 𝘁𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮 𝘀𝘆 𝗻𝘆 𝗵𝗮𝗿𝗲𝗻𝗮 𝘃𝗼𝗮𝗷𝗮𝗻𝗮𝗵𝗮𝗿𝘆.

𝗙𝗶𝗵𝗮𝗼𝗻𝗮𝗻𝗮 𝘃𝗼𝗮𝗹𝗼𝗵𝗮𝗻𝘆 teo amin’ny #𝗠𝗘𝗗𝗗 sy ny #𝗢𝗦𝗖 ity notanterahina ity. Tapaka nandritra izany fa hametrahana fandrindrana manokana ny hanohizana ny fifampidinihana sy ny fifanakalozan-kevitra tahaka izao.

Nandray anjara tamin’ity dinika nasionaly ity ihany koa ny Filohan’ny 𝗞𝗮𝗼𝗺𝗶𝘀𝗶𝗼𝗻𝗮 𝗧𝗼𝗻𝘁𝗼𝗹𝗼 𝗜𝗮𝗶𝗻𝗮𝗻𝗮 eo anivon’ny 𝗔𝗻𝘁𝗲𝗻𝗶𝗺𝗶𝗲𝗿𝗮𝗺𝗽𝗶𝗿𝗲𝗻𝗲𝗻𝗮.